Nantu à l’aghja di Pastunatu, in piaghja d’Aregnu, una di e più maiò di Balagna, simu in cumpagnia d’Orso Castellani. (pastore, natu in 1938) Parla di u tribbiu, fattu da u sò babbu, di i carozzi, di e fere, di e manelle, di i baroni di l’aghja…

Si ramenta cume si tribbiava, si mundava u granu, s’ammansava a granella, si spullava a paglia, si spazzava incù « a ranta », cume si spartiva per terzu o per mezzu, cume si trascinava in casa, cume si purtava à macinà à u mulinu.

Dopu ci spieca e ci facci visità e ruine di u mulinu, subitu vicinu à l’aghja.